段純貞牛肉麵 (Tower 535) (Closed)

快接近兩年都仲未可以出國旅行, 留港偏向喜歡搵返d過江龍餐廳, 暫時先讓味蕾遊歷一下。今晚同朋友去咗銅鑼灣一間台灣新竹市過江龍嘅「段純貞牛肉麵」。樸素簡約裝修襯托出台灣風味, 分別有兩款麵類選擇, 手工麵、細麵, 【原味牛肉麵】HK$84牛肉湯底味道香濃, 麵底選了手工麵, 長長闊條, 一碗大概有十條左右, 麵質彈牙有韌度, 牛肉大大件, 滷得非常入味兼軟腍, 跟麵條大啖食, 很有滿足感。【蒜香手撕雞乾拌麵】HK$78至於拌麵我就揀咗配細麵, 底部只有香蒜同埋花生碎粒, 配有雞肉絲, 但冇咩汁撈起之餘, 每啖都感覺很乾, 就連雞絲感覺都冇咩肉汁同鮮嫩。唯一有隻軟滑流心蛋較討好。 【紅油抄手】HK$48抄手皮又薄又滑, 鮮蝦豬肉餡料鮮味juicy, 其中內有爽口蝦肉粒, 配埋微辣汁, 幾惹味。【胚芽珍珠奶茶】HK$28胚芽比例好多, 每啜一啖都飲到唔少胚芽, 很有麥香, 配上香滑奶茶、熟透而又甜甜地嘅珍珠, 係幾好飲…【香芋珍珠奶茶】HK$28濃濃香芋味, 再加珍珠, 甜而不膩, 值得一試, 要記得攪勻先飲呀！