微酵烘焙 (MOKO新世紀廣場) (Closed)

今日經過旺角新世紀廣場，去到火車站入口附近見到呢間新開的台灣歐式麵包店，款式多而吸引，就買咗幾個黎食下。有近期很受歡迎的髒髒包，髒髒之胖，$35/個，忍唔住買咗兩個，好大個，比一隻手還要大，整個麵包係用比利時的70%純朱古力整成，面已經鋪满朱古力粉，朱古力味香氣撲鼻，味道好濃郁，麵包入面好軟熟彈牙，香甜美味，夾有少少芝士忌廉粒，增添甜味。冏冏之胖，$35, 用抹茶粉，吉士同紅豆粒整的，抹茶粉味滲入整個麵包當中，紅豆粒好軟熟。爆爆水果茶，$35, 茶底香醇入味，水果有新鮮切開的菠蘿肉，蘋果，石榴等，特別爽脆清甜。鮮醇芋頭奶，$36,牛奶香甜鮮美，混巾粒粒軟稔的芋頭粒，咬落有口感，同牛奶的味道好夾。