TEATOP 第一味

Open Now

Now Closed

是日到元朗拜完年，食完咁多賀年食品都有d口渴，經過見到呢間新開嘅台式茶飲店，望落都幾吸引，一於買黎解下渴。TEATOP係台灣著名品牌，有過百年製茶歷史，主打高山青茶，香港係佢地海外第一間分店，保證保持台灣原風味。青茶3Q :既然餐廳以青茶為招牌，又點可以唔試下呢？青茶加入珍珠、茶凍及椰果，各有唔同口感，珍珠煙韌，椰果爽口，青茶比綠茶感覺更清新，味道清甜解渴一流。紅豆粉粿鮮奶 :入口好幼滑，味道唔會太甜，紅豆及粉粿份量都好多，每飲一啖都可以食到，粉粿感覺有d似仙草，而口感更煙韌，Q彈Q彈感覺好得意。葡萄柚果粒茶 :賣相呈橙黃色，非常吸引。葡萄柚份量都幾多，味道酸酸甜甜，綠茶甘香味十足，配埋椰果令整體口感更有層次。