焼肉スマイル (燒肉smile)

燒肉Smile (旺角）又一台灣過江龍！香港而家燒肉開到成行成市，今次試呢一間燒肉喺旺角朗豪坊對面，地理位置相當方便。因為係新開張嘅入邊裝修好新淨，周圍都好企理。而且仲有一人自閉位，啱晒中午晚飯想自己一個人靜靜食好嘢嘅朋友。可能因為剛剛開業，又唔少店員都係台灣人。 餐廳規定每一個人都要點一個套餐，套餐嘅選擇豐儉由人，有平都有比較貴一啲選擇。我今次點嘅係牛肉盛合，希望一次可以試多啲唔同種類嘅牛肉。牛肉盛合（$328）套餐包5款牛肉（無骨牛小排、板腱牛、封門柳、牛肋間條、牛舌）、飯、湯、飲品同甜品仲有沙律吧任食牛肉一上枱就嘩一聲，質素真係好好。好多時餐廳啲餐牌啲牛會影得好靚，黎到就貨不對辦，但呢度完全唔係！啲牛又厚身、雪花又靚、油脂又多，燒完啖啖油香，好正！芝士士多啤梨奶蓋好種士多啤梨味，超足料。少可惜係用紙杯裝，分享唔到佢入面係點，但真係好好飲！