點·子·巷

Open Now

Now Closed

又再四出搵食，今次去埋測魚涌，見間舖頭名幾特別就去試下啦～鹽水浸娃娃菜。 如果點呢道菜，你期望會係咩味? 好清?清到好似烚菜加鹽咁?以上都不能形容呢碟菜。 佢係清嘅，不過係清甜嘅清。佢嘅煮法令菜嘅鮮甜味更出，菜身相地爽口。 呢度有藥膳雞窩，咁養生嘅野唔係唔試下呀～呢道名為桂花醉香藥膳雞窩。注重健康嘅我點會放過呢啲養生菜式呢?呢個不算是濃湯系，不過當店員喺廚房拎出黎個一刻，已經聞到清清嘅藥膳窩味(都可能係我地坐得太近廚房)桂花味好香，舖滿成窩湯，唔似你去有啲食肆只係得幾束花放喺湯面，所以賣相相對地無咁吸引嘅。唔理啦，試左湯頭先，真係有桂花味，第一啖係好清好清有輕輕嘅甜味，飲多幾啖啲藥材味就走出黎啦～湯入面有勁多杞子，食到最後發現原來有龍眼肉，唔怪得有輕微嘅甜味啦再黎就係香酥雞排肉燥面。肉燥味道出奇地濃烈，就算混入湯中亦不會因而變淡。香酥雞排是炸得好乾身個種嘅雞排，但不算是咬落會"索索"聲嘅脆，只能做有口感。