8090 好時光 (Closed)

以前會以為天水圍好遠，所以都甚少入黎。自從身邊多左朋友住天水圍後，就多左入黎喇，而且搭西鐵係非常方便呀。琴日朋友帶左我黎食台灣菜，佢話食過好食要帶我試下。估唔到喺佢屋企樓下的商場都食到出色既台灣菜。打開餐牌見到個設計都好精美，食物種類都多，我地揀左幾款熱食同小食就開餐喇。等左無幾耐就出餐喇，出餐速度都快，讚！哩碗紅燒牛肉麵大大碗，個湯底濃味，牛腩好林值得一讚。哩度既小食都好食，特別係哩碟鹽酥花枝小丸炸得香脆，丸內有粒粒墨肉增加咬口感。我中意食呀！哩個餃子好似飛碟咁幾得意。睇餐牌係哩度既招牌菜之一。餃子肉汁多，皮薄香口，的確唔錯！飲品我就點左玫瑰花綠茶，玫瑰花清香，養生飲品最喜歡。哩間餐廳有棵人造大樹好特別，營造戶外既感覺，好靚！室外既陽光照射入黎好溫暖。