士林棧 (Closed)

最近好掛住台灣美食但又無假期，唯有搵間台式餐廳安慰一下心靈。上網搵到間向大角咀嘅台式小店，立即叫老公同我去大吃一餐。店舖裝修簡潔光猛，地方闊落。食物選擇多而且仲好有台灣風味。皮蛋肉鬆豆腐嫩滑豆腐淋上醬油膏，面層在放上皮蛋碎加肉鬆，醬油味濃郁而甘甜，將所有食材同吃，味道又夾又滋味。鹽酥雞件即叫即炸，皮脆肉嫩，味道恰到好處。麻油雞麻油雞湯清而不油，雞件充滿麻油香，雞肉嫩滑。筋肉雙雄刀削麵牛肉非常鮮嫩，入口即溶，牛筋軟腍入味又不失咬口，湯底牛味濃郁，每一口都充滿香味，而且絕無加味精。去唔到台灣都可以食到咁好食既台式美食，真係超大滿足。