蝦棧 (Moved) New Location

來到這裡，仿佛置身於台灣餐店之中，播既都係熟識的華語歌曲，聽住歌食晚餐，有種優哉游哉既感覺。老闆好友善，推介幾款食物都好掂，好用心！👍🏻👍🏻醉雞卷~平時食醉雞大部分都係滑雞，這個雖然用雞胸肉但完全唔覺得實，超入味，食多兩件都會覺得醉。🤪👍🏻奶油蝦煲~d蝦係魚缸入面新鮮捉起架，熱呼呼既蝦煲，入口竟然有忌廉意粉既味道，好神奇🤩蝦頭有膏，蝦腳有籽，超新鮮好味。洋蔥都好冧好甜，正正正呀！😍👏🏻👏🏻雪山火焰焗魚~期待已久既鱸魚簡直頂瓜瓜，同樣都係新鮮撈起，坐低時仲見條魚游緊水。火燒個下我既口水直流🤤，老闆仲細心地將魚皮切起，魚肉嫩滑無比，值回票價！