稻埕飯店 (V Point) (Closed)

前幾日約左朋友去試下佢地推介既稻埕飯店，果然無令人失望！蟹肉蛋白泡泡脆米金湯：蛋白滑，蟹肉香有咬口，食到南瓜既香味。話梅小山藥：幾特別，爽脆既山藥配上酸酸地既話梅，令人好開胃。滷水鮑魚：擺出黎靚之餘，鮑魚唔會好難咬，火喉剛好！鹽酥龍蝦脆金瓜：見到好多人推介就點試下，打卡一流，龍蝦肉都幾大舊，配菜都炸得香脆可口！黑松露鮮百合花：面頭有金箔同黑松露，鮮百合好少地方有。鐵板一口鵝肝牛小排，將鵝肝配搭牛小排一啲都唔覺得膩，兩者味道互相配合。八斗子炒飯：香噴噴，炒飯粒粒金黃，份量好多。