三星台菜食堂 (The L. Square) (Closed)

週二晚應美人姐姐推介，收工後與會計小姐一同去銅鑼灣追星，一訪靚女明星開設o既台菜新寵「三星台菜食堂」。高層食堂佔用面積全層，間隔開揚，光線充裕，落地玻璃窗旁一排高櫈散座更可望到銅鑼灣街景及跑馬地馬場。內牆掛出多件米色圍裙。配上磚牆一角o既乾花廚具，溫馨得好有家o既感覺。升降機邊則以電視機箱型黑板寫出精選推介項目，趣緻可愛極。諗食咩前，兩口子先每人點咗杯凍飲解一解渴，消一消暑。是日推介之橙香蜜綠（$38）：特飲o既蜜糖綠茶底清香淡薄，拼上鮮橙塊同橙汁，效果極之清新爽甜，當真感激溫婉o既姐姐仔誠意推薦。小店只有一頁點菜紙，簡單易明。當中以炸物o既菜名最為搞鬼，如「大腸就是狂」、「真的好蝦卷」等。二人好快就決定分一碗招牌「三星牛肉麵」，再加多幾款好菜小食。三星牛肉麵（$82）：走辣o既三星牛肉麵個湯底十分香甜濃郁，會計小姐第一口飲落已大讚足料，仲拍哂手掌添！粗粗o既麵條煙韌富彈性，料中o既牛筋及牛肋肉均鬆潤入味兼有趙頭，實為極品也，相信米芝蓮食完都要俾足三星呀！肉鬆黑白配《皮蛋豆腐》（$42）：大大磚豆腐白滑軟潤，混入埋肉鬆同皮蛋，食落好夠香濃，組合o既協調猶如太極黑白配對般微妙。椒鹽四季豆