三星台菜食堂 (新城市廣場一期) (Closed)

今晚去試左一間台灣餐廳,餐廳係係沙田新城市廣場地下，近戲院既位。應該係疫情既關係，條街少左人，間餐廳都冇咩人，所以好快就入到去啦。坐底之後我地就叫左兩個主菜同一款小食，分別係三星麵，台式炸雞排滷肉飯，同埋蒜泥白肉。先講三星麵，三星包括有牛筋，牛展同牛肚，湯底好濃郁，係用左大量牛骨熬成既，仲有蘿蔔同洋蔥，d牛食落唔硬，配埋蘿蔔一齊食，一d都唔膩。最後個麵好有咬口，一路食一路飲下紅燒牛肉湯底，好好味！之後就係台式炸雞排滷肉飯，雞排烤到好似鹽酥雞咁香口，但係又唔係好鹹，配埋滷肉飯一齊食非常開胃，好似去左台灣夜市既感覺。個飯隻唐心蛋都係重點，十分好食最後就係蒜泥白肉，d肉好多好大塊，但就略嫌唔係好夠辣同堆d肉舊舊都有軟骨，食落要花d牙力！