Video
Read full review
2018-07-24
82 views
同朋友旺角睇完戲，順便係附近搵食，就係豉油街戲院前面，見到呢間台式火鍋店，幾好生意咁，招牌臭臭鍋個名咁盞鬼、仲有好多新派特飲，就係咁決定入去試下店內裝修簡約舒服，用黑白灰做主調，燈光明亮特別醒神，雖然店內有好多人打緊邊爐，勝在冷氣夠勁，坐低仲好涼爽下menu 有9款鍋可以揀配飯，即食麵或者粉絲，另外可以選擇辣度，我地就揀左招牌臭臭鍋同埋藥膳豚肉鍋，兩款都係配粉絲。招牌臭臭鍋份量幾多，肥牛可以自行控制生熟，唔洗驚煮到韌晒，湯底係好濃嘅沙嗲味，配上臭豆腐，台式大腸同埋大量新鮮配菜，一人一鍋滾起之後，互相調和，濃湯帶點蔬菜嘅清甜，配菜滲出牛肉香、粉絲更加索盡全部湯底嘅精華，咁大鍋唔覺意全清，臭得真係好好味醬料款式有4款，可以自由配搭，亦可跟店入面建議嘅比例去調較，但我覺得原創湯底已夠濃夠香，根本唔駛落醬料喎藥膳鍋有紅棗同枸杞，兩種都係帶微甜既中藥材味，飲落幾順喉滋潤，個鍋一樣有好多蔬菜，感覺比較健康，粉絲底吸曬湯既藥膳味，入口好似好補身咁，如果天氣再凍D就更正表面嗰層焦糖烤得好脆，布蕾好香蛋味，可能今天即做又大賣，輕輕唔夠凍，若然雪得再凍啲就100分飲品餐牌design幾靚，仲有
同朋友旺角睇完戲，順便係附近搵食，就係豉油街戲院前面，見到呢間台式火鍋店，幾好生意咁，招牌臭臭鍋個名咁盞鬼、仲有好多新派特飲，就係咁決定入去試下



店內裝修簡約舒服，用黑白灰做主調，燈光明亮特別醒神，雖然店內有好多人打緊邊爐，勝在冷氣夠勁，坐低仲好涼爽下
menu 有9款鍋可以揀配飯，即食麵或者粉絲，另外可以選擇辣度，我地就揀左招牌臭臭鍋同埋藥膳豚肉鍋，兩款都係配粉絲。

招牌臭臭鋦
$108
11 views
0 likes
0 comments
招牌臭臭鍋份量幾多，肥牛可以自行控制生熟，唔洗驚煮到韌晒，湯底係好濃嘅沙嗲味，配上臭豆腐，台式大腸同埋大量新鮮配菜，一人一鍋滾起之後，互相調和，濃湯帶點蔬菜嘅清甜，配菜滲出牛肉香、粉絲更加索盡全部湯底嘅精華，咁大鍋唔覺意全清，臭得真係好好味
醬料款式有4款，可以自由配搭，亦可跟店入面建議嘅比例去調較，但我覺得原創湯底已夠濃夠香，根本唔駛落醬料喎

藥膳豚肉鍋
$108
8 views
0 likes
0 comments
藥膳鍋有紅棗同枸杞，兩種都係帶微甜既中藥材味，飲落幾順喉滋潤，個鍋一樣有好多蔬菜，感覺比較健康，粉絲底吸曬湯既藥膳味，入口好似好補身咁，如果天氣再凍D就更正

法式焦糖烤布蕾
$13
17 views
0 likes
0 comments
表面嗰層焦糖烤得好脆，布蕾好香蛋味，可能今天即做又大賣，輕輕唔夠凍，若然雪得再凍啲就100分
芝士桃桃
$35
8 views
0 likes
0 comments
飲品餐牌design幾靚，仲有好多款，連最近好hit 既芝士奶蓋同水果茶都有！
我地就揀左芝士桃桃同芝士凍頂烏龍茶
芝士係桃桃既面，佔成杯野5分1左右。綿綿嘅芝士又香又濃，就咁飲芝士已經好滿足😝，香濃芝士襯埋甜嘅桃汁，夏天咁熱飲完，消下暑啱晒。

芝士凍頂烏龍
$27
16 views
0 likes
0 comments
呢杯芝士比例多D，佔左杯飲品既四分之一，打開蓋飲既第一啖係濃濃帶點芝士咸香既奶泡，烏龍茶無茶澀味，好清香。芝士溝勻埋茶好夾，個人推薦，必飲。
呢個一人一鍋，好玩又好食，唔駛下下要打邊爐咁嘥時間，比起齋食大碗麵又冇咁悶，同埸仲有致愛嘅台式飲品，啱晒我心意
Post
