Video
Read full review
2019-01-13
478 views
星期日下晝兩點半入到去，可能係下午茶時段，間餐廳差唔多一半座位都係桔既，我與同行友人本來想坐係卡位度，點個個店員話唔得，要我地坐番喺矮櫈度，淨係呢一點都已經令到我相當迷惑。跟住我同友人好快就填寫好自選餐單，諗住交畀店員，嘩點不知舉咗十幾分鐘手都無人行過黎，我甚至有點懷疑自己係咪坐左喺班侍應嘅視覺盲點嘅位置，所以佢地先見唔到我舉手。終於，好彩我手臂耐力夠強，舉咗十幾分鐘手終於有個男侍應行埋黎，正當我諗住交張點餐單畀佢個陣，佢竟然同我講：「你等一等先，我一陣搵同事嚟幫你。」係呢一刻我再一次懷疑究竟收一收張單係咪真係咁高技術含量，要請專人嚟serve我，定抑或男侍應有工傷在身，握唔實兩張點餐單喺手呢？如是者我又等多咗十分鐘，係等待嘅過程中，我見到全係斜對面枱的一位女顧客發現自己兜麵浸一大張紙巾，佢當然即刻向店員投訴，並且要對方解釋原因。點不知個男店員笑笑口咁答佢：「沒問題嫁！唔影響味道同健康！如果妳有需要我地可以幫妳換過碗嫁！」聽到呢度，我終於明白點解連鎖快餐店愈做愈大，但係啲小店就一間一間咁執。有時真矮唔係唔想支持小店，但係咁嘅服務質素，連對顧客基本嘅尊重都冇嘅店鋪，值得支持咩？2019年
跟住我同友人好快就填寫好自選餐單，諗住交畀店員，嘩點不知舉咗十幾分鐘手都無人行過黎，我甚至有點懷疑自己係咪坐左喺班侍應嘅視覺盲點嘅位置，所以佢地先見唔到我舉手。終於，好彩我手臂耐力夠強，舉咗十幾分鐘手終於有個男侍應行埋黎，正當我諗住交張點餐單畀佢個陣，佢竟然同我講：「你等一等先，我一陣搵同事嚟幫你。」係呢一刻我再一次懷疑究竟收一收張單係咪真係咁高技術含量，要請專人嚟serve我，定抑或男侍應有工傷在身，握唔實兩張點餐單喺手呢？
如是者我又等多咗十分鐘，係等待嘅過程中，我見到全係斜對面枱的一位女顧客發現自己兜麵浸一大張紙巾，佢當然即刻向店員投訴，並且要對方解釋原因。點不知個男店員笑笑口咁答佢：「沒問題嫁！唔影響味道同健康！如果妳有需要我地可以幫妳換過碗嫁！」聽到呢度，我終於明白點解連鎖快餐店愈做愈大，但係啲小店就一間一間咁執。
有時真矮唔係唔想支持小店，但係咁嘅服務質素，連對顧客基本嘅尊重都冇嘅店鋪，值得支持咩？
2019年第一個目標，永不光顧星林居。
Post