Video
Read full review
2018-06-12
92 views
是晚為左同朋友慶祝生日, 一於帶佢食佢最中意既日本野!!! 但身為日本粉絲既佢竟然無食過omakase, 所以我決定要帶佢食間好既!!! 呢間地址比較神祕, 但正正配合Omakase既主題~~~ 店內面積不大, 全部食客都係一早book定, 包括我, 都早左幾個星期book架!!! 有熟客walkin都食唔到~揀左中間價位既潮ushio餐食, 見叫左更貴價錢既肴, 擺盤真係好靚!!!! 下次都可以試下~前菜既份量真係多到嚇一嚇, 實在太過份!!!!分別有辣味明太子三文魚鬆肉丸、煙燻蘿乾芝士球、雞捲、雞軟骨、黑松露蛋捲、螢光魷魚、手握壽司, 全部款式都各有特式, 仲要係完全無係出面食過!!!! 介紹返其中幾我最滿意, 煙煄蘿乾芝士球既芝士味好濃香, 好少係日本野食到粒裝芝士, 夾埋左蘿蔔絲令芝士濃中帶清, 另外蛋捲既黑松露味又係相當驚喜, 未食都聞到佢有幾濃, 點知食落更加比想像中濃, 蛋又唔會煮到好嚡身, 而握壽司同樣係加分位, 蛋皮包裹住即使薄薄一層都好香口, 壽司飯醋味十足調得恰好, 夾住鯖魚結實新鮮, 明明已經係食左第十款前菜, 但完全想再encore, 不過要忍住, 因為仲有大
揀左中間價位既潮ushio餐食, 見叫左更貴價錢既肴, 擺盤真係好靚!!!! 下次都可以試下~
前菜既份量真係多到嚇一嚇, 實在太過份!!!!
分別有辣味明太子三文魚鬆肉丸、煙燻蘿乾芝士球、雞捲、雞軟骨、黑松露蛋捲、螢光魷魚、手握壽司, 全部款式都各有特式, 仲要係完全無係出面食過!!!! 介紹返其中幾我最滿意, 煙煄蘿乾芝士球既芝士味好濃香, 好少係日本野食到粒裝芝士, 夾埋左蘿蔔絲令芝士濃中帶清, 另外蛋捲既黑松露味又係相當驚喜, 未食都聞到佢有幾濃, 點知食落更加比想像中濃, 蛋又唔會煮到好嚡身, 而握壽司同樣係加分位, 蛋皮包裹住即使薄薄一層都好香口, 壽司飯醋味十足調得恰好, 夾住鯖魚結實新鮮, 明明已經係食左第十款前菜, 但完全想再encore, 不過要忍住, 因為仲有大把主角未食!!!!
到刺身環節, 潮呢個set一共會有三款, 擺盤幾靚, 刺身全部都新鮮高質。分別係吞拿魚、, 三款刺身都係油脂較低既刺身, 雖然無魚油爆發於口中, 但我更愛清爽有口感既刺身, 即使薄切但柔韌口感依然吸引
料理三品繼續帶來驚喜, 一次過可以食到炸物同魚類熱食, 我最中意炸廣島蠔, 炸過後依然份量十足既蠔, 明顯未炸前已經好大隻, 炸漿皮相當香脆可口, 配上沙律醬是一大樂事也! 雞翼就交左比朋友食, 佢都話雞肉好滑嫰, 連伴碟枝豆都係亮點, 以蜜糖醃煮, 甜度非常高但令人想再吃, 第一次食到甜品版本既枝豆~
食左咁多美食, 但高潮位終於來到, 就係壽司既時候! 分別係方弗魚、鮫鰈、赤睦、羽太、池魚、赤貝及虹鱒, 既有大眾熟悉既魚類, 亦有少見的, 相當全面~
最開始食既方魚係第一次食, 同鮫鰈一樣都係淡味魚刺身, 但前者肉質鮮嫰柔熟, 後者就偏紥實, 即使係淡味魚都可以各有特式。但數到我最中意食一定赤貝, 鮮橙色色澤鮮亮, 令人未食都感受到新鮮, 非常鮮甜爽脆, 果種鮮係食完都仲係口中迴盪, 而且壽司飯量相對少, 所以即使食左8件都唔會太飽, 可以好好享受刺身既味道~ 食到呢個時候店員仲問我地食唔食飯, 實在太豐富, 店員都好貼心咁話可以幫我地打包飯團, 返到屋企叮熱食依然美味, 仲有唔少三文魚肉!
無論前菜、主食定壽司都咁高質, 難以想像甜品都咁豐富, 平時食omakase都係可能一球雪芭或者時令日本生果, 呢到竟然有三款!!最開心係有蕨餅, 雖然未算煙韌,但有得食已經難得, 仲有芝士蛋糕, 細細件唔怕膩, 係偏向日式芝士蛋糕果種清新味道, 而非new York cheese cake果種食幾啖已經會漏既感覺。
Post
