Video
Read full review
2022-04-07
155 views
星期日，最佳既節目莫過於係食Brunch，對嗎?不過我今次唔係去酒店，而係去中環一間以日式居酒屋為主題既酒吧餐廳試下，幾有趣咁。佢既三道菜Brunch索價$268，咪睇佢以為好少嘢唔夠食，其實份量好大，我哋最終係抱住個肚走呀~加$198可以Free Flow 紅白酒、啤酒、香檳、清酒、Cocktail和Mocktail等等，近排困左咁耐，難得出街食嘢，就飲啲Sake吧!頭盤之一，係牛油果吞拿魚沙律，足足半個牛油果切片，靚靚仔仔鋪係吞拿魚沙律之上，沙律大到嚇親。牛油果既生熟程度恰好，個人最喜歡柚子既醬汁，伴沙律好開胃可口。另一款頭盤，係炸既大餃子，請店員幫忙切開兩邊，大家分吃。咬落香脆，唔會硬轟轟，餡料係日式叉燒，幾好味。喜歡既話，可沾點阿根廷青醬，但我認為食佢既原汁原味會更好。朋友見到有鰻魚，隨即雙眼發光。師傅將原條鰻魚用火槍燒香，吃起來更香口。鰻魚本身唔算太肥美，但汁醬調校得好，唔太甜，亦沒半點腥。底下的玉子燒，總算嫩滑。牛角包賣相好似無乜生氣，估唔到食落又幾香。飯糰塔既份量真係唔講得笑，睇見師傅在準備時，我同朋友已經嘩嘩聲。午餐肉御結好有夏威夷風，味道唔會死咸，質感幾好，如果紫菜可
星期日，最佳既節目莫過於係食Brunch，對嗎?不過我今次唔係去酒店，而係去中環一間以日式居酒屋為主題既酒吧餐廳試下，幾有趣咁。
佢既三道菜Brunch索價$268，咪睇佢以為好少嘢唔夠食，其實份量好大，我哋最終係抱住個肚走呀~
加$198可以Free Flow 紅白酒、啤酒、香檳、清酒、Cocktail和Mocktail等等，近排困左咁耐，難得出街食嘢，就飲啲Sake吧!
頭盤之一，係牛油果吞拿魚沙律，足足半個牛油果切片，靚靚仔仔鋪係吞拿魚沙律之上，沙律大到嚇親。牛油果既生熟程度恰好，個人最喜歡柚子既醬汁，伴沙律好開胃可口。
另一款頭盤，係炸既大餃子，請店員幫忙切開兩邊，大家分吃。
咬落香脆，唔會硬轟轟，餡料係日式叉燒，幾好味。喜歡既話，可沾點阿根廷青醬，但我認為食佢既原汁原味會更好。
朋友見到有鰻魚，隨即雙眼發光。師傅將原條鰻魚用火槍燒香，吃起來更香口。鰻魚本身唔算太肥美，但汁醬調校得好，唔太甜，亦沒半點腥。底下的玉子燒，總算嫩滑。牛角包賣相好似無乜生氣，估唔到食落又幾香。
飯糰塔既份量真係唔講得笑，睇見師傅在準備時，我同朋友已經嘩嘩聲。午餐肉御結好有夏威夷風，味道唔會死咸，質感幾好，如果紫菜可以再脆口啲就更正。另一件其實都係午餐肉餡，不過經炸過，又唔同食法。
甜品係一件蜂蜜蛋糕，香甜軟熟，頂頭唧既忌廉唔太甜，配埋微酸既藍莓，簡單而美味。呢一餐，幾特別~
Post
