閩粵軒

Open Now

Now Closed

一邊嘆美食，一邊享受維港海景，絕對係頂級享受。同老公揀咗午市套餐～✨翡翠帶子餃/櫻花蝦千絲酥/鮮蝦蟹籽燒賣每款各一件，賣相非常精緻。最喜歡櫻花千層酥，好香口、口感一流；翡翠帶子餃，薄薄嘅餃子皮包住超級飽滿嘅餡料；燒賣嘅蟹籽大大粒好吸睛🤩✨胡椒豬肚湯一打開蓋已經聞到勁香！胡椒味超級濃郁，非常喜歡！飲完成身暖笠笠。✨豆醬焗青龍躉龍躉啖啖肉，配上鹹鹹香香嘅豆醬，份外惹味～✨閩粵泉水雞調味相對簡單，反而最能保持雞件最原始鮮味。而且雞肉結實有口感。✨金湯米線或潮州/陳年老菜脯炒飯個金湯！諗起都流口水！啱晒我呢個酸辣控超級惹味🤤老菜脯炒飯亦好少食到，散發着類似蜜餞嘅酸香味，配合炒飯好好食～✨銀杏芋蓉燉鮮奶鮮奶奶味香濃，口感滑溜；面層配上一層災綿滑芋蓉，整體甜度剛好，好滿足。