尚越 (Closed)

好耐無來過置富food court食野，今晚就自己一個來左食晚飯。行左成個food court，最後簡左最入嘅呢間越南餐廳。雖然係越南餐廳，但呢度除左有一般越南菜例如牛肉河、撈檬之外，仲有叻沙、咖喱之類。我簡左個叻沙河粉，包埋野飲$40，晚餐來講算係好抵。份量方面，都幾大碗，有三粒魚蛋、三塊魚片同兩件豆卜同半隻蛋。個叻沙湯聞落唔算好香，食落叻沙個種嘅味道都幾濃，有少少辣味。魚蛋質感偏向實身，魚片同豆卜都普普通通。河粉偏短、而且幾易斷。呢個叻沙河粉味道尚可接受，$40價錢算係咁，不過不失。