Video
Read full review
2011-11-21
252 views
呢到係我同老公諗唔到晚餐食咩既好地方...因為佢幫我地呢啲"有選擇困難証"既人解決晒一切每次入到黎都係食個兩樣....就係A餐同B餐....好彩佢無C餐...唔係我地又要揀呢到我幫襯左差唔多三年...晚餐KEEP到水準.....雖然係例牌SET...但印象中主菜好似無咩點撞過款晚餐包湯(有紅有白有中湯揀)....餐包不是餐包....而係搽滿蒜香牛油既排包前菜次次都唔同...最鐘意食薯蓉焗田螺..上面薯蓉係即焗帶點"龍"...因為隻碟辣手加痴底主菜都係飯/意粉之類...又係次次唔同...不過唔會太細碟...有時我都食唔晒最重要包埋甜品....可以揀啫喱 & 雪榚...我一定係後者...因為係用鐵杯仔上..可以保冷..無咁快溶一個咁簡單既晚餐...餐具都可以必有用心...計埋餐飲....包足6樣野...食到今年都只係$44...不設加一三年間都只係加多左4蚊...而家通脹到咁....仲去邊到搵....所以平日夜晚有時都要等位呢到既扒餐都出名...又係平靚正有交易....4x ~6x蚊就ok...大份到有時老公都食唔晒有時晚餐唔岩老公食...就會叫扒餐...呢到黑椒汁係最正....羊扒係我至
每次入到黎都係食個兩樣....就係A餐同B餐....好彩佢無C餐...唔係我地又要揀
呢到我幫襯左差唔多三年...晚餐KEEP到水準.....雖然係例牌SET...但印象中主菜好似無咩點撞過款
晚餐包湯(有紅有白有中湯揀)....餐包不是餐包....而係搽滿蒜香牛油既排包
前菜次次都唔同...最鐘意食薯蓉焗田螺..上面薯蓉係即焗帶點"龍"...因為隻碟辣手加痴底
主菜都係飯/意粉之類...又係次次唔同...不過唔會太細碟...有時我都食唔晒
最重要包埋甜品....可以揀啫喱 & 雪榚...我一定係後者...因為係用鐵杯仔上..可以保冷..無咁快溶
一個咁簡單既晚餐...餐具都可以必有用心...計埋餐飲....包足6樣野...食到今年都只係$44...不設加一
三年間都只係加多左4蚊...而家通脹到咁....仲去邊到搵....所以平日夜晚有時都要等位
呢到既扒餐都出名...又係平靚正有交易....4x ~6x蚊就ok...大份到有時老公都食唔晒有時晚餐唔岩老公食...就會叫扒餐...呢到黑椒汁係最正....羊扒係我至愛
扒餐都有得揀加唔加十幾蚊轉餐..可以有湯餐包餐飲....大食細食自己揀
另一推介係焗飯系列....需時係較長....但炒飯底真係做得好好不論係白汁紅汁....豬扒石班....只要係焗飯....都可以配搭得好好...有機會大家自己試下
只係地點對某些人(煙民)黎講室外會比室內好...因為室內比較暗...同埋坐位迫
反而室外係坐籐椅...唔係一般膠椅摺椅....只係唔食煙既你可能會比人圍攻
同埋放狗人士都一定係坐室外...所以怕與小動物用餐者...可能接受唔到
最重要後面有得咪錶泊車..不過多數都爆...所以隔離條小路都方便渣車人仕停泊
Post
