吃什麼 (Closed)

由於部門越嚟越多人，次次出街食飯經過都唔可能食到呢間長龍台灣野，有次可能落雨，無人排隊，終於可以試下呢間個個都話好食既台灣菜。隊長想食麵⋯⋯但款款湯麵都有隻辣椒，怕辣既我揀左個鹵肉乾拌麵，再加珍珠紅茶。如果怕食蔥，記得叫佢走蔥，因為成個面都係，鹵肉就一般，唔夠入味，至於個麵，真係好乾⋯⋯加上係粗麵，就算撈埋鹵肉，都係覺得好乾，食完覺得有點鞋口。最失望係D珍珠，話晒都要再加$5，但衰過街邊果d，珍珠煮唔淋，咬落除左硬，仲有點粉粉地，應該係煮唔熟既關係。其實一碗麵+飲品都要成舊水，佢話台灣人煮理，我食唔出台灣風味，有點失望，要我日曬雨淋去排隊食就咪搞我啦！