炙・宴 (荷里活廣場)

Open Now

Now Closed

睇完戲到下午3點，就近係荷李活廣場食埋野，估唔到揀左呢間食到燥底嘅餐廳。佢多數餐普普通通都要150$以上，咁我地都對佢有返小小呢個價位嘅餐廳應有嘅期望啦，點知換來嘅只得失望，事因叫左一個豬+牛壽喜燒煱（$179），只得2舊牛同4舊豬，而且都係切到好薄好薄，豬呢就係肥肉占7成。千祈唔好俾佢一開頭舖開曬啲肉嘅樣呃到，實際上食完個幾舊肉，成個鍋就係塞滿娃娃菜，仲有零零星星嘅一舊豆腐，切半嘅金針菇，一粒蘑菇仔同幾條蘿蔔絲（係！係絲，唔係片！仲要係肉眼countable）。食完真係食左個寂寞！呢個鍋我最多俾$110，你收人$178就唔好全部都係娃娃菜咁肉酸啦。