黃枝記 (Closed)

夜晚又要到銅鑼灣上堂，一條冷凍冰冰唔知食乜好。行返去以前細個住過個條街睇下，發現開左間「黃枝記」。記得第一次幫襯時係喺澳門的議事亭前地，出名到係每個到訪澳門遊客的必去麵店之一。 之後喺中環史丹利街亦開左間分店，曾經係我OT 前必吃的飯堂名單之首，成班同事7點鐘坐底吹下水，八下是非，講下自己今日比manager鬧過乜，食完飯8點幾又返公司OT 到半夜 ，個時係畢業後第一份長工，雖然辛苦，但好開心。 近SOGO 後面街，萬寧的斜對面，大大個招牌，好易認。 店內裝修簡潔，座位闊落 一入到去已被安排座位並立即送上熱茶一壺，我好Like 自己有一壺茶，啱晒我呢啲河馬，可以自斟自飲 點左一碗必吃的雲吞麵、炸雲呑同埋一杯熱咖啡提下神 先上炸雲呑，不得了，一碟四件，每件都等於我手掌咁大，炸皮唔係坊間硬到𠝹口嚨的普通雲呑皮黎，呢度的炸皮好鬆脆而且入口即化。咬開中心，內藏兩隻爽口又彈牙的鮮蝦，加少少同上的甜酸汁黎食，開胃消滯，就係咁樣，我輕易食晒四件落肚了 雲吞麵亦係出色之作，影完一輪相，碗麵浸左陣之後仍然彈牙，麵質一流。一碗有四雙雲吞，份量亦算大碗，沒有多餘的雲吞皮，咬開又係同樣有兩隻鮮蝦，同樣係鮮甜新