中環茶記 (Closed)

茶餐廳係香港代表性嘅地方，一般常餐、菠蘿油、奶茶、鐵板餐等等，有著香港特式及風味🙂新式茶記保留舊有茶記嘅食物風味，但改良成坐得舒服又整潔嘅餐廳。中環茶記餐廳內裝修貼滿懷舊風味嘅舊街道牆紙，十分有歲月回憶🤓餐廳座位闊落，打開餐牌有各式茶記食物。我叫左鐵板餐，呢度嘅鐵板餐🤩揀左豬扒鰻魚，熱辣辣倒入蒜蓉汁，鐵板發出 zi zi聲😁 豬扒夠大塊又林，好食。鰻魚都好大條多汁，但食嘅時候要小心，因為有d細骨。鐵板有薯條及菜，大滿足！另外叫左牛扒三文魚扒鐵板餐，牛扒係薄片，易咬口，三文魚唔會太熟，唔錯🙃分別叫左龍鳳檸樂及凍利賓納☺️爽呀！心思思叫左個奶油豬❤️夠脆，奶油又夠多，流口水🤤