The Parking Coffee & Food (Closed)

咁啱行過見到呢間Cafe竟然有甜品，睇落都幾吸引，附近又冇其他想食嘅甜品店，最後就喺呢到食甜品！其實都不嬲都幾鍾意食呢類嘅中式台式甜品，其實有幾款都好想試吓！可惜兩個人真係食唔到咁多，最後差包剪揼就決定揀呢兩樣！第一款嘅就係「豆乳豆花配芋圓」！豆乳再加埋豆花黃豆味極重，豆花好滑，豆乳就好濃郁，而且佢仲有三色芋圓，粒粒芋圓都好煙靭，仲要有好香嘅芋圓味道！另外，地瓜圓都好好食！第二款嘅就係「芋香椰汁西米露配芋圓」！平時好鍾意食椰汁西米露嘅我見到呢個組合竟然加埋芋頭，同平時食嗰個味道好大分別，因為多咗陣陣芋香味道，冇諗過佢食落甜度好天然啱啱好，西米都好多，加埋芋圓口感豐富！