Video
Read full review
2016-05-05
144 views
講到夜晚嘅中環，我哋絕對係喜愛夜蒲餐廳，食物種類多，設計走休閑路線，地舖餐廳都係開放式。每次行過一間又一間嘅酒吧都好似去咗外地旅遊咁，沿着蘭桂坊一路上到雲咸街，亦有不少食店，可以食完嘢再飲酒，或者飲完嘢再食嘢醫醫肚都得。有朋友介紹，放工就嚟到Bit Point，一間以德國菜為主題嘅餐廳，係中環蘭桂坊開業多年，近大半年前搬到雲咸街，繼續由第二代負責人打理，主打熱狗餸酒小食、多款來自各地嘅手工啤酒及創意cocktail。熱狗一律＄72，一共12款選擇，每款都有相睇，亦列明當中嘅配搭，食客可輕易選擇自己想食嘅味道，小食選擇豐富，二人份量大約$46-80，大堆頭小食拼盤$148-168，Pizza$78起。其實有好多都好吸引，最好嗌多啲朋友仔一齊分享。我哋就揀咗2隻熱狗，1個小食及兩杯飲品，我點嘅係餐廳推介，日本手工啤酒，聞落有清香荔枝味，飲落香味反而無咁突出，啤酒嚟講都幾好，友人點咗杯紅色Cocktail，酒精較濃，不勝酒量嘅我試一口都ok，如果飲哂應該會爛醉，哈哈。Chilli Cheese Dog $72友人一來嚟就揀咗個Chilli Cheese Dog，芝士好似熔岩咁帶點流質，食落都
有朋友介紹，放工就嚟到Bit Point，一間以德國菜為主題嘅餐廳，係中環蘭桂坊開業多年，近大半年前搬到雲咸街，繼續由第二代負責人打理，主打熱狗餸酒小食、多款來自各地嘅手工啤酒及創意cocktail。
熱狗一律＄72，一共12款選擇，每款都有相睇，亦列明當中嘅配搭，食客可輕易選擇自己想食嘅味道，小食選擇豐富，二人份量大約$46-80，大堆頭小食拼盤$148-168，Pizza$78起。其實有好多都好吸引，最好嗌多啲朋友仔一齊分享。
我哋就揀咗2隻熱狗，1個小食及兩杯飲品，我點嘅係餐廳推介，日本手工啤酒，聞落有清香荔枝味，飲落香味反而無咁突出，啤酒嚟講都幾好，友人點咗杯紅色Cocktail，酒精較濃，不勝酒量嘅我試一口都ok，如果飲哂應該會爛醉，哈哈。
Chilli Cheese Dog $72友人一來嚟就揀咗個Chilli Cheese Dog，芝士好似熔岩咁帶點流質，食落都唔錯，如果芝士多啲就可以可以做到連絲效果喇，除咗可以增加鹹香之外，食起嚟亦更有趣味。另外店家全部熱狗都係放入餡料之前會先焗脆，食落口暖粒粒又份外脆口，更令人感覺到店家嘅心意。
Super Hot Hot Dog $72大家有冇挑戰近期三養推出的史上最強辣麵？呢款熱狗嘅辣度完全拍得住個款辣麵，100分推介，都唔係得個辣字，有洋蔥薯仔粒同辣醬。就咁睇顏色上口比較淡色，真係俾佢呃咗，大大啖咬落去，嗰陣辛辣味湧住出嚟，口感上有爽口洋蔥，軟淋淋薯蓉粒，一啲都唔單調，如果香腸選用有辣度的香腸，一定仲刺激。
Chicken with Cheese先將雞扒揼至薄片，用兩層雞扒夾住芝士，再點蛋漿及麵包糠炸成，新鮮製造。送上時熱辣辣，外脆內軟，如果層次方面做得厚身啲就更好。上碟時可以隔耐點油，食落就唔會太油膩啦。
Bit Point星期一至五: 12:00-02:00
星期六,日: 17:00-02:00
中環雲咸街46-48號地下
Tel: 2523 7436
Post
