Doodie Cafe Bar (Closed)

去得荃灣，就試左近排比較多人去既Doodie! 環境都似一間平平無其既酒吧，但食物種類都幾多，而且是好味的啊！自家釀酒（HH「1200-2100」:$65, $78)佢自家釀既酒全部以Vodka/Rum加埋唔同既味釀製3-6個月，今次我就試左lemon honey同柚子，每一杯都會跟一杯Mixer/Juice, 就咁飲雖然好重烈酒既味，但味道好香，加埋Mixer就會變得易入口得黎，又有lemon honey/柚子既香，真心唔錯！酒香醉鴨舌（$68）飲酒當然要搵野送酒啦！新野無理由唔試姐！呢個感覺好中式，酒味好香又唔會太醉，鴨舌好爽口同入味，份量更比我想像中多，好岩送酒！雙重松露熱狗（$88）炒蛋配上黑松露，炒蛋好滑加埋黑松露，好香！香腸係香草豬肉腸，好juicy已經份量好足,上面既免治黑松露醬將成個熱狗既黑松露味帶出左，好濃郁！黑松露迷必試！包都唔頹，搽上牛油煎到外脆內軟，detail位都做得幾好！豬牛大格鬥熱狗（$88）香草豬肉腸加牛舌配法式蜜糖芥末醬，熱狗有牛舌已經好新穎，牛舌好冧身切成條佈滿豬肉腸上面，蜜糖芥末甜甜辣辣可以解左肉類既油膩，好夾！芝士牛肉汁薯條（$58）呢個真心好邪