力奇四季火鍋 (Closed)

假期前一天，一行六人來到力奇打邊爐﹗已是夜晚10:00，人客不多，一來已有位。望一望對面枱，岩岩走人，枱上竟然有碟肥牛完全未食過，咁浪費既人都有，環境份子當然睇唔過眼，一手成碟攞過黎，佢唔食我地食﹗要了蕃茄薯仔湯底，老闆娘話無薯仔，將之轉做粟米，也沒什麼所謂，成煲料滿滿的，不吃下幾件餸真係無位淥野，灼下的食物都帶茄鮮甜，正﹗蝦是海蝦，上枱時仲郁下郁下，爽脆鮮甜，肉質實淨，呢度食海鮮真係最好﹗墨魚滑同埋蝦滑原隻鮮蝦鮮墨魚手打出來，落粉極少，灼後入口真係有如食新鮮蝦一樣過癮，那種口感其他地方真係俾唔到﹗一百分﹗鮮鮑魚兩個人share一隻，上次原隻用刀叉食十分過癮，今次要了切片就有0的失色，依舊彈牙可惜味不算濃，有機會再吃還是原隻直灼最好﹗肥牛比起海鮮來說真麻麻，口感o鞋口，牛味雖濃卻韌，來力奇還是專心一點吃海鮮吧﹗炸魚皮及腐片卷也不錯，象拔蚌刺身要了例牌，鮮甜爽脆，加點wasabi同吃，超正﹗魚片頭上枱時還是熱的，彈牙有咬口，好味喎﹗整體來說是滿分，海鮮夠新鮮，用來打邊爐吃得出其鮮，味道自然一百分﹗最後想說由於我地攞左人地的肥牛，自己0個碟係食唔哂差不多無食過，難到這是一個循環？埋單一人2