616牛肉火鍋專門店 (翠怡花園)

Open Now

Now Closed

一提起食火鍋大多數人都會同我一樣，食火鍋時一定唔小得食番碟牛牛咁先似係食火鍋，但係鐘意食牛嘅人黎講或者嫌口味唔夠多，終於今次可以食到多款牛嘅部位，而且價錢又大眾化之餘，最緊要仲係食得飽咁先完美，約埋好友齊齊去品嚐一番當然個個都係牛魔王啦！呢度嘅火鍋配料係主打食牛嘅不同部位當然唔會錯過機會，至於鍋底都有幾多口味選擇，我地最後要咗牛雜湯底咁食先至原汁原味牛味十足。再攞埋秘制牛肉醬汁就可以開餐，先來有牛朴肉，肉質食落肥美又多汁口感十足。到另一款係澳洲和牛牛胸肉，入口除咗肉質嫩滑之餘，食到油脂嘅香甜又帶點爽口。再來梗係食下牛雜先，平時係街食開牛雜都係得兩三款口味，呢度居然有齊晒真係估唔到，又可以食到牛雜嘅精華味道濃郁，而且份量十足超抵食。除左食到特色牛肉外，仲有涼菜提供我地都點咗冰麻牛食，入口帶點微辣又食到牛肉爽滑夠晒惹味，真係一碟都唔喉再食多碟先得！輪到有牛餃雙拼，又可以一次過食到兩種味道，餃子用足料入囗食到啖啖肉汁味濃郁。唔覺唔覺又品嚐咗一輪特色牛肉，最後食埋稻庭烏冬連湯汁，再食冰涼甜品咁就最完美一餐。