コメダ珈琲店

Open Now

Now Closed

🍴「 コメダ珈琲店 (尖沙咀)」當呢間舖頭度喺紅磡開第一間分店嘅時候已經一直都想試，有一日經過AEON嘅時候發現原來喺The One開咗分店，一於就試吓止癢，回味一下以前曾經係日本食過既回憶。《炸豬扒方堡》💰$79炸豬扒一般香脆，麵包柔軟，加埋酸酸地嘅豬扒醬汁，配搭一流，方堡間夾住一啲椰菜絲，食落去就唔會太過膩，一碟有三件份量都多，如果一個人食嘅話都足夠《拿破崙意粉》💰$80唔錯嘅意粉，配搭蕃茄汁酸酸地十分開胃，但係意粉嘅餸就比較少，如果多啲餸就會更加完美，另外有啲蔬菜蕃茄青瓜椰菜絲伴碟《芝士白汁咖喱蝦仁》💰$119呢款食物有超出意外嘅想像，咖喱醬汁比較多，面頭鋪滿芝士，有拉絲嘅效果。蝦仁嘅份量適中，裏面仲有少少嘅通粉配搭。因為我係一個芝士愛好者，滿滿嘅芝士加埋味道濃郁嘅咖喱非常滿足，如果怕膩嘅朋友，配多士麵包食係唔錯嘅選擇《北海道雷電蜜瓜丹麥酥》💰$65雷電蜜瓜甜度高，牛奶雪糕配丹麥酥，冰與火的口感，不過如果個丹麥酥鬆化啲就更加好啦《抹茶提拉米蘇》💰$39抹茶嘅味道唔太出，淡淡嘅忌廉味，味道一般《果凍抹茶牛奶》💰$55賣相唔錯，有果凍啫喱喺抹茶牛奶裏面，飲完成杯會有飽腹感，大大杯都夠