和牛燒肉一郎 (百誠大廈)

Open Now

Now Closed

今晚訂咗百城大廈入面嘅和牛燒肉一郎日本燒烤放題餐廳，準備同老婆好好慶祝我哋結婚10週年紀念。呢間餐廳我係第一次嚟，店內仲幾寬闊，目測應該可以坐200人左右，裝潢唔錯，仲有幾隻1：1和牛擺設。決定嚟一份SET F，包含咗黑毛和牛六款，一口氣可以嘗試到肉眼、肩胛肉、一口牛、三角腹肉、牛肋肉、牛肋條。另外仲有我最期待嘅極上夏多布里昂，肉質好軟滑，脂肪均勻，入口唔會覺得油膩。好多人成日唔知，其實呢個係菲力嘅中心部位，由於係特別部位，所以呢種高檔食材都係極稀少🥓除咗牛肉唔同部位，套餐仲包括咗海鮮，有味醂魚乾、原隻魷魚筒、甲羅燒同埋青口。整組套餐除咗視覺效果好靚，食材品質更加係一流。老婆大愛黑毛和牛六款，而我當然係沉浸喺極上夏多布里昂嘅美味中。兩公婆一致同意海鮮都好鮮甜。而且仲可以任飲清酒！一邊飲住清酒，回味住呢啲美味，小倆口一齊品嚐同評論，簡單嘅幸福就係咁樣啦。