大喜屋 (Closed)

已經有好耐無食過日式放題啦，以前對日式放題既印象都唔係太好，因為款式就多，不過無幾多樣野好食，不過今日又因爲太耐無食過，又心思思想又去食下！放題第一樣既一定係刺身啦，呢個係定律黎啦！每款都好新鮮喔！就連唔抱有期望既松葉蟹腳來都唔錯喎！都好鮮甜！壽司咁飽肚既平時都唔食得多，不過火炙左口魚壽司都忍唔住食多幾轉，平常係壽司店食都唔平，今次食夠本啦！呢個 沖繩網燒牛仔肉 真係好食，我自己一個都食左三碟！芝士蠔好creamy！串燒亦係出色，鹽燒虾都好鮮甜，我自己又食幾串！牛舌又好好食我自己又食幾串！羊排！我自己又食3件！中式小炒，水準之內！一試無防！牛柳粒又係每間放題必定有得食既！總括而言大喜屋既性價比高，食品出色，價錢唔高