Video
Read full review
2019-12-11
1633 views
朋友慶祝生日🎂，非放題莫屬。今次揀咗旺角嘅至尊滿屋，去到滿晒座，好彩有book位咋📞。11月限定優惠，7:30前離座而需$178；8:45後入座就$188，都幾抵食💰，最重要係多嘢食呀嘛！淨係狂食刺身已經回本啦，刺身足足有13款，有必食嘅大赤蝦，真係幾大隻㗎，仲有my 飛佛北海道帶子刺身，其他仲有甜蝦🦐、大烏貝、吞拿魚、三文魚、黃金翡翠螺🐚、油甘魚、希靈魚、鮑片、松葉蟹棒、玉子，而且啲刺身都好新鮮啊！OMG！呢度有我最鍾意食嘅燒芝士三文魚腩卷🤤🤤🤤，用火槍燒到芝士半溶，加上肥美嘅三文魚腩，真係好食到唔停得口😋😋😋，難得呢到有得任叫，我就梗係唔會客氣啦！仲有呢度嘅創意壽司🍣-香芒龍蝦沙律卷同埋蒲燒鰻魚壽司都好值得推介！👍👍👍除咗凍食之外，當然唔少得熱食啦，呢度有季節料理同和風料理，其實和風料理同季節料理真係好吸引，有牛肉火鍋🍲、至尊蟹皇海鮮粥、日式牛乳廣島蠔鍋、牛肉稻庭烏冬、黑蒜叉燒拉麵🍜，泰式咖喱炒蟹🦀、吉品鮑汁燴花膠盛宴，真係全部都好吸引，奈何食得太多刺身，食唔晒咁多款式啦，唯有下次再戰！💪仲有天婦羅🍤、鹽燒海蝦、牛舌同雞翼都好正呀！炸蟹蓋🦀、芝麻雞翼、鐵板雪花牛柳粒都不容錯過。除咗
朋友慶祝生日🎂，非放題莫屬。今次揀咗旺角嘅至尊滿屋，去到滿晒座，好彩有book位咋📞。
11月限定優惠，7:30前離座而需$178；8:45後入座就$188，都幾抵食💰，最重要係多嘢食呀嘛！
12 views
0 likes
0 comments
淨係狂食刺身已經回本啦，刺身足足有13款，有必食嘅大赤蝦，真係幾大隻㗎，仲有my 飛佛北海道帶子刺身，其他仲有甜蝦🦐、大烏貝、吞拿魚、三文魚、黃金翡翠螺🐚、油甘魚、希靈魚、鮑片、松葉蟹棒、玉子，而且啲刺身都好新鮮啊！
34 views
0 likes
0 comments
OMG！呢度有我最鍾意食嘅燒芝士三文魚腩卷🤤🤤🤤，用火槍燒到芝士半溶，加上肥美嘅三文魚腩，真係好食到唔停得口😋😋😋，難得呢到有得任叫，我就梗係唔會客氣啦！仲有呢度嘅創意壽司🍣-香芒龍蝦沙律卷同埋蒲燒鰻魚壽司都好值得推介！👍👍👍
除咗凍食之外，當然唔少得熱食啦，呢度有季節料理同和風料理，其實和風料理同季節料理真係好吸引，有牛肉火鍋🍲、至尊蟹皇海鮮粥、日式牛乳廣島蠔鍋、牛肉稻庭烏冬、黑蒜叉燒拉麵🍜，泰式咖喱炒蟹🦀、吉品鮑汁燴花膠盛宴，真係全部都好吸引，奈何食得太多刺身，食唔晒咁多款式啦，唯有下次再戰！💪
仲有天婦羅🍤、鹽燒海蝦、牛舌同雞翼都好正呀！
10 views
0 likes
0 comments
炸蟹蓋🦀、芝麻雞翼、鐵板雪花牛柳粒都不容錯過。
除咗點餐紙上面嘅食物，出面仲有自助吧，有沙律🥗、炸薯條🍟、炸春卷、咖喱雜錦、炒時蔬🥦🥬、老火湯、港式糖水喳咋、西式甜點 (慕思、水果🍉🍈、藍莓芝士蛋糕🍰)。
仲有個大雪櫃放滿各式飲品🍹🍺🍸，同埋有梅酒、清酒🍶自由斟，總有款啱你飲，食飽就飲番杯熱嘅綠茶消下滯🍵。
最後，當然唔少得食番杯雪糕🍧🍨，咁先至大圓滿，有movenpick，haagendazs，同埋Dreyer's任你揀。
Post
