Video
Read full review
2022-06-23
958 views
見到呢間新開嘅餐廳，網上食評唔錯，d相又靚，價錢又唔貴，食客仲講到晚市要排長龍，加上自己已經有一段時間無食燒肉，緊係即刻試下啦😏。餐廳喺旺角有兩間分店，不過大家要注意，喺女人街果間分店，平日只做晚市，星期六、日先有LUNCH。我當日先去女人街摸門釘😯，之後先嚟長沙街呢間分店。吉列牛舌(任食) $98 點餐後，職員送上全份牛舌，份量真係好多!! 其實食完都夠皮，只係覺得任食唔添好似好蝕底😂，所以點多半份。結果，兩個人食左1.5份，真係好飽好滯。牛舌上枱果陣唔熱，所以建議燒番熱佢先食，味道會更好。牛舌望落好乾好鞋，但食落仍有少少、少少彈牙，唔係完全軟淋淋，口感比想像中好。至於牛味就無乜架喇，主要食外層脆炸衣配內軟彈口感。佢跟左個黑松露醬，個人覺得無加分，點壽喜燒果個燒汁反而會好d，同埋無咁溜。A4和牛壽喜薄燒 200g $138雖然只有200g，但切薄左份量望落又唔算少，油花亦算靚仔😍。試左一塊乜醬都無點，牛味偏淡，肉質夠軟滑，油脂感幾高😆。佢個「壽喜汁」完全唔係果回事😑，只係蛋黃加日式燒肉汁，唔會有壽喜feel。加$20轉套餐，包月見飯、沙律、茶佢個月見飯雖然賣相唔差，但我想講，我整得仲
餐廳喺旺角有兩間分店，不過大家要注意，喺女人街果間分店，平日只做晚市，星期六、日先有LUNCH。我當日先去女人街摸門釘😯，之後先嚟長沙街呢間分店。
吉列牛舌(任食) $98
吉列牛舌
$98
18 views
0 likes
0 comments
點餐後，職員送上全份牛舌，份量真係好多!! 其實食完都夠皮，只係覺得任食唔添好似好蝕底😂，所以點多半份。結果，兩個人食左1.5份，真係好飽好滯。
牛舌上枱果陣唔熱，所以建議燒番熱佢先食，味道會更好。
吉列牛舌
$98
13 views
2 likes
0 comments
牛舌望落好乾好鞋，但食落仍有少少、少少彈牙，唔係完全軟淋淋，口感比想像中好。
至於牛味就無乜架喇，主要食外層脆炸衣配內軟彈口感。佢跟左個黑松露醬，個人覺得無加分，點壽喜燒果個燒汁反而會好d，同埋無咁溜。
A4和牛壽喜薄燒 200g $138
A4和牛壽喜薄燒
$138
17 views
0 likes
0 comments
雖然只有200g，但切薄左份量望落又唔算少，油花亦算靚仔😍。
A4和牛壽喜薄燒
$138
8 views
0 likes
0 comments
試左一塊乜醬都無點，牛味偏淡，肉質夠軟滑，油脂感幾高😆。
佢個「壽喜汁」完全唔係果回事😑，只係蛋黃加日式燒肉汁，唔會有壽喜feel。
加$20轉套餐，包月見飯、沙律、茶
佢個月見飯雖然賣相唔差，但我想講，我整得仲好味過佢😶。
一黎個飯好濕，唔係粒粒分明，二黎蛋黃有黏性，令個飯又濕、又黏、一舊舊，好痴好難撈，蛋又唔夠香。
小店可以容納18位客人，啱啱嚟果陣只有3位客人，所以環境、冷氣尚可，但隨住人多，餐廳越嚟越熱同焗，好彩我地就食完，如果唔係都幾辛苦。
順帶一提，建議職員學習安全地使用火槍，因為當日有位職員燃點我隔離座位嘅石板爐時，火槍出現嗆火現象，火焰與我擦身而過😢(20CM左右嘅距離)，好彩大家都無事，希望呢d可以避免到嘅意外唔好再發生。
餐廳lunch有加一，我當日比現金。
Post
