Video
Read full review
2018-03-16
852 views
最近有一位好朋友轉工轉到去北角，由於好耐冇見，今日就去左接佢收工然後一齊食餐飯傾下計，行過見到呢間個門面好似唔差，個餐牌平均都差唔多一百，諗住都應該唔差得去邊，點知呢個只係中伏既開始！一入到去，帶位時已經感覺到奇怪，店員似是而非咁叫我地坐低，但係又冇明確指示邊張，係咪隨便我坐邊張我真係唔知，因為佢全程用個側面或者面對住我。坐低左，先發覺個環境氣氛好差，店內播住TVB，陣電視聲硬係覺得好煩擾，因為有兩部電視同時播緊但係個聲音係有半秒DELAY，而且播住愛回家即刻DOWNGRADE到好似食緊茶記既感覺！我地各自叫左一份$128既晚餐，係128！但係野食送到上黎已經非常失望，用一堆烚菜做底，然後塊肉放上去，者係我都唔求有咩精美擺碟，但唔該可唔可以唔好咁劣質咁求其！我叫左份西班牙黑毛豬扒，真係衰過茶記雜扒飯，豬扒面頭油到好似油炸咁，但係內裡係烚熟咁既肉質，西班牙黑毛豬扒？去凍肉舖買塊最CHEAP既咋掛？朋友叫既羊架都好痴線，又係面頭好多油，入面熟到幾乎切都切唔開，朋友食左一半就冇再食，亦都破壞左今晚見面既興致。所以我勸各位，真係唔好試，不可一不可再，去其他地方個服務，個環境，個質素，個價錢都分
一入到去，帶位時已經感覺到奇怪，店員似是而非咁叫我地坐低，但係又冇明確指示邊張，係咪隨便我坐邊張我真係唔知，因為佢全程用個側面或者面對住我。
坐低左，先發覺個環境氣氛好差，店內播住TVB，陣電視聲硬係覺得好煩擾，因為有兩部電視同時播緊但係個聲音係有半秒DELAY，而且播住愛回家即刻DOWNGRADE到好似食緊茶記既感覺！
我地各自叫左一份$128既晚餐，係128！但係野食送到上黎已經非常失望，用一堆烚菜做底，然後塊肉放上去，者係我都唔求有咩精美擺碟，但唔該可唔可以唔好咁劣質咁求其！我叫左份西班牙黑毛豬扒，真係衰過茶記雜扒飯，豬扒面頭油到好似油炸咁，但係內裡係烚熟咁既肉質，西班牙黑毛豬扒？去凍肉舖買塊最CHEAP既咋掛？
朋友叫既羊架都好痴線，又係面頭好多油，入面熟到幾乎切都切唔開，朋友食左一半就冇再食，亦都破壞左今晚見面既興致。
所以我勸各位，真係唔好試，不可一不可再，去其他地方個服務，個環境，個質素，個價錢都分分鐘好過呢度。
Post