Video
Read full review
2020-07-25
882 views
前幾晚上網碌碌下見到有間新開何車車仔麵，有個post話老闆有日試下用新製ge麻辣同乾蒜撈麵，食完即刻話：「嘩！咁_好食ge！」而我就係咁比佢吸引左去試。🍴蒜香麻辣撈粗 HK$15、飛天牛腩 HK$15、牛舌芯 HK$15、糖心蘿蔔 HK$8望到面頭d麻辣、生熟蒜、蔥、芫茜，唔洗聞都知有幾香，撈麵會跟埋碗清湯等你易撈d，湯帶微微藥材味，就咁飲都幾好飲。撈勻左之後，我即刻望住老闆話：「嘩！真係好__好食喎！」老闆：「好_好食呢？」料頭好香好惹味，粗麵夠爽彈。牛腩有肥有瘦，腍得黎彈牙。牛舌芯好似雞腎咁爽脆。蘿蔔又甜又無渣。🍴蝦子撈麵 HK$13、牛舌芯 HK$15、魚腐 HK$10、何車野菜 HK$13、竹笙HK$13蝦子足料，不過比其他配料香味蓋過，蝦子香味唔算突出，幼麵同樣爽彈。魚腐軟腍唔易爛。何車野菜有西蘭花、菜心、娃娃菜，夠新鮮，份量都多。竹笙就無乜特別，我覺得我朋友揀錯左，應該配湯麵先吸到湯味。🍴韭菜豬紅HK$15韭菜好脆嫩，應該有揀過。豬血有認真調過味，甜甜地鹹鹹地，又特別又好食，呢種味以前未試過，但又難以用文字表達，老闆見到可唔可以答下我用左咩料。🍴炸腐皮角HK$15打邊爐同B
前幾晚上網碌碌下見到有間新開何車車仔麵，有個post話老闆有日試下用新製ge麻辣同乾蒜撈麵，食完即刻話：「嘩！咁_好食ge！」而我就係咁比佢吸引左去試。
🍴蒜香麻辣撈粗 HK$15、飛天牛腩 HK$15、牛舌芯 HK$15、糖心蘿蔔 HK$8
望到面頭d麻辣、生熟蒜、蔥、芫茜，唔洗聞都知有幾香，撈麵會跟埋碗清湯等你易撈d，湯帶微微藥材味，就咁飲都幾好飲。撈勻左之後，我即刻望住老闆話：「嘩！真係好__好食喎！」老闆：「好_好食呢？」料頭好香好惹味，粗麵夠爽彈。牛腩有肥有瘦，腍得黎彈牙。牛舌芯好似雞腎咁爽脆。蘿蔔又甜又無渣。
🍴蝦子撈麵 HK$13、牛舌芯 HK$15、魚腐 HK$10、何車野菜 HK$13、竹笙HK$13
蝦子足料，不過比其他配料香味蓋過，蝦子香味唔算突出，幼麵同樣爽彈。魚腐軟腍唔易爛。何車野菜有西蘭花、菜心、娃娃菜，夠新鮮，份量都多。竹笙就無乜特別，我覺得我朋友揀錯左，應該配湯麵先吸到湯味。
🍴韭菜豬紅HK$15
韭菜好脆嫩，應該有揀過。豬血有認真調過味，甜甜地鹹鹹地，又特別又好食，呢種味以前未試過，但又難以用文字表達，老闆見到可唔可以答下我用左咩料。
🍴炸腐皮角HK$15
打邊爐同BBQ都好鍾意食腐皮角，炸都係第一次試，炸得好好，真正外脆內軟。
🍴醉炸雞翼 HK$15
醉雞翼同炸雞翼就食得多，又醉又炸都係第一次，表面炸香，入面濕潤帶酒香。
🍴何車炸盤 HK$38
食完兩款炸物之後覺得何車炸物相當出色，於是再叫多個炸盤。吉烈炸蝦同吉烈炸蠔本來覺得都係現成貨無乜特別，點知一咬開炸蝦，裡面竟然無炸到實晒，仲好似刺身咁爽滑，好__好食！炸蠔咬落去爆汁，爭d辣熟個咀。炸媽媽餃子好鬼脆，入面ge韭菜豬肉好香，不過鹹左少少。
📍何車車仔麵
太子界限街41C號長勝大廈地舖
Post
