Video
Read full review
2022-10-09
787 views
從未寫過食評，但呢次真係想寫個有建設性嘅食評。「整體評價」🤦🏼♂️食物質素係okay嘅。好味同價錢係相對，所以亦接受嘅。不過服務質素就真係有待改善。「Booking」Open Rice book星期日晏晝飲茶，3位。但係得返下晝兩點半，或者早上十點半。最後最後book左兩點半。「入座」😓星期日兩點半準時到，到reception同個女仔講，「你好，姓X, open rice book咗兩點半3位。」個女仔反問「係咪xxxxx(女姓英文名）？」不過個名讀錯咗。其實讀錯係絕對唔介意同好小事。我地亦都更正返佢，之後個女仔就話「哦，係呀。」不過就嬉皮笑臉咁帶我地埋位。（雖然佢無道歉，亦都唔介意。不過個處理有啲太casual，可以professional d）「叫菜」🥹我地入座嘅時候都唔早，不過好多普通點心都無哂，例如炒腸粉同春卷。最後我地嗌左蝦餃，燒賣，叉燒腸，鹹水角，和牛炒飯。「食物質索」👍🏼食物好食嘅，特別要一讚個腸粉皮真係好薄，燒賣好足料。炒飯唔平但係炒得好好食，夠乾身。🤩蝦餃個皮就有少少厚，好普通。「加單」👎🏿我地之後決定加多個燒腩仔。等左一陣，個女waitress就攞個餐牌黎話佢地la
「整體評價」🤦🏼♂️
食物質素係okay嘅。好味同價錢係相對，所以亦接受嘅。不過服務質素就真係有待改善。
「Booking」
Open Rice book星期日晏晝飲茶，3位。但係得返下晝兩點半，或者早上十點半。最後最後book左兩點半。
「入座」😓
星期日兩點半準時到，到reception同個女仔講，「你好，姓X, open rice book咗兩點半3位。」個女仔反問「係咪xxxxx(女姓英文名）？」不過個名讀錯咗。其實讀錯係絕對唔介意同好小事。我地亦都更正返佢，之後個女仔就話「哦，係呀。」不過就嬉皮笑臉咁帶我地埋位。（雖然佢無道歉，亦都唔介意。不過個處理有啲太casual，可以professional d）
「叫菜」🥹
我地入座嘅時候都唔早，不過好多普通點心都無哂，例如炒腸粉同春卷。
最後我地嗌左蝦餃，燒賣，叉燒腸，鹹水角，和牛炒飯。
「食物質索」👍🏼
食物好食嘅，特別要一讚個腸粉皮真係好薄，燒賣好足料。炒飯唔平但係炒得好好食，夠乾身。🤩
蝦餃個皮就有少少厚，好普通。
蝦餃
5 views
0 likes
0 comments
燒賣
9 views
0 likes
0 comments
和牛炒飯
26 views
0 likes
0 comments
叉燒腸粉
16 views
0 likes
0 comments
鹹水角
15 views
0 likes
0 comments
「加單」👎🏿
我地之後決定加多個燒腩仔。等左一陣，個女waitress就攞個餐牌黎話佢地last order, 問有冇野要加。我地話「唔駛喇唔該。」之後佢就再問「甜品呢？」態度上有少少blunt。咁我地亦都接左個餐牌自己睇，而佢亦都行開左，冇再返過嚟。我地都冇心水，所以冇再叫甜品。
再過左一陣，我地再追一追個燒腩仔，記得係個男waiter/manager話睇過張單唔見有，加返啦。（又係太過casual, 並唔係親切果種casual）其實都有啲錯愕，無預過咁有名氣嘅餐廳會漏單。不過都明白，有時忙會掛一漏萬，所以我地都同意再加返。
大約再過多20-25分鐘，我地再追多一次個燒腩仔，呢次個女manager話3點其實截咗單（當時大約3點45分左右）。呢次就真係解到唔想再解喇。其實如果漏左，加返都唔緊要，但係如果加唔到，可以早啲講，唔會浪費左客人嘅時間。🤷🏼♂️
女manager有offer送糖水，但係真係唔啱。最後俾左85折我地就埋單走喇。
「價錢」😐
折左之後$690，人均消費$230
「後感」
食物絕對係比起一般酒樓餐廳好。價錢唔係平，但係想食得好就唔會嫌貴，何況質素上係覺得合理。不過一間好嘅餐廳，亦都抱係米芝蓮嘅名，有基本嘅服務同禮貌我相信係合理期望。希望間餐廳唔好因為食物質素好就認為基本嘅服務可以忽略。輸呢啲真係唔抵。
Post
