丼吉日式吉列豬排專門店 (世貿中心)

Open Now

Now Closed

丼吉已經喺香港屹立多年，水準同質素係有返咁上下嘅。佢價錢偏貴，埋單起碼每人二三百蚊。唔同餸個價錢就自然唔同。想食靚啲嘅吉列野就非佢莫屬。店入面座位唔算好多，唔會好迫。有卡位同細枱大枱，多人黎食都冇問題。呢度服務唔錯，不過會催人落單😂呢度嘅豬扒、蝦同雞都好食，尤其係蝦，好大隻。食材新鮮，自然事半功倍。眼見大部分都炸得啱啱好，唔會好燶同太乾，啲餸嘅汁亦都保留得到 食過幾次水準都係差唔多，幾穩定。個蠔就反而無其他咁好，比較細隻，餸飯唔過癮，當小食嗌都可以嘅。呢度可以免費添飯同椰菜，食返多啲蔬菜平衡返，可以用枱上面嘅酸酸地嘅紫菜汁餸，好夾，又唔洗乾哽啲菜😂