吉列牛忌廉烏冬專門店 (彌敦道) (Closed)

今日去旺角行街，夜晚揀咗嚟呢一間吉列牛專門店食飯，叫咗佢最招牌嘅套餐同埋小食，有齊吉列牛定食，咖哩忌廉烏冬，仲有兩杯汽水，可以加錢變成特飲：吉列牛定食定食好豐富應有盡有，前菜就有胡麻醬蕃茄仔同埋滑豆腐，仲有我最愛嘅麵豉湯。白飯上面鋪有飯素，仲有兩個醬汁有和風醬汁同埋芥末醬。吉列牛有好多件，放上迷你燒爐上面，熱一熱做到半生熟嘅效果 。牛味濃又夠軟淋，出面嘅吉列皮亦都夠香脆 超級滿足咖哩忌廉雞肉烏冬買相好好，打卡一流，烏冬上面嘅忌廉鋪得好滿，白雪雪好似雪山咁樣。撈起入面嘅烏冬 ，每一條都掛滿咖哩汁， 仲有件件雞肉，雞肉嫩滑，咖哩汁好入味， 整體好惹味滋味單骨雞翼我最愛食單骨雞翼，因為比較容易食，雞翼上面鋪滿滋味粉，有啲似芝士粉再加埋微微嘅辣粉，好惹味而且雞肉好juicy有汁紫薯latte 嚟到係夢幻嘅紫色，上面有cream，飲落紫薯味超香濃，鍾意紫薯嘅一定唔可以放過韓國柚子蜜 唔會太甜，食到粒粒柚子肉，好解膩