豚組 (Closed)

新年前出左雙糧, 某個星期六放工就同同事去幫襯"豚組"~其實設於黃金廣場食肆層的豚組, 經常性在Sogo附近一帶派發宣傳廣告, 給我最深印象是那一塊炸豬扒, 看openrice的食評還有人讚他的食品跟某吉列專門店的平分春色, 而且價格天相宜, 我也因此而跟同事美雪到此一試. 店內唔多人, 經理安排左個"廂坐"俾我地, 同卡位四人座無異, 但多了一簾紗幕, 好像很隱蔽似的, 好讓我倆談俏俏話? 嘻嘻, 那多餘了, 因為我倆照樣的高談寬論~坐好了也點了菜, 侍應送上了一碗芝麻, 我地親自磨碎了, 芝麻香撲鼻而來, 再加上醬油, 用來蘸稍後的吉列食品 ; 原本想叫個吉列併盤, 有蝦, 蠔, 豬... 但兩個女仔又怕食唔晒而且又太熱氣, 結果點了辣魚生飯(這個美雪讚不絕口~) 同吉列鵝肝定食; 鵝肝味道比想像中普通, 但炸粉份量剛好, 不油膩之餘, 口感十足! 飯後還有生果, 正好消除飽滯感覺~