大姆指餐廳 (Closed)

星期六就梗係嘆番個正早餐啦～今日來到大姆指吃～裝修好靚，樓底又高，叫左個吉列魚柳餐（揀左炒蛋，火腿），飲熱即磨咖啡～飲品來先，聞落去幾香，飲落口都幾滑，又冇乜苦澀，不錯的； 冇幾耐我碟早餐都到了，望見就即刻食慾大增 因為賣相相當唔錯，忍唔住即刻先切少少魚柳試試，是熱辣辣的，外皮香脆，內裡魚肉嫩滑，最開心係佢塊吉列炸皮一d都唔厚，唔會食到成口粉，魚肉份量都相當足仲要都幾大塊添。之後用牛油搽餐包，餐包都幾軟熟，微暖； 炒蛋要讚一讚，炒得好滑，味道調得剛剛好，唔鹹唔淡；火腿就微微煎過，正正常常啦。＄32呢個價錢我覺得幾抵食，下次會再來食早餐的