101手工小火鍋 (Closed)

今日探朋友探到來西灣河，佢話樓下開左間一人火鍋店，我地一去到門口已經感受到當地居民對佢既熱愛，門口等位既人~相當相當之多，睇來大家已經食厭左吉吉家，係時候轉下台式口味。入到去果時覺得店家相當有諗頭，唔再用平時吉吉家既火酒膏式既打邊爐既爐，反而每張枱已經SET好左一個電磁爐，所以唔洗怕危險既問題。今次我地叫左三種唔同既口味，台灣卜卜蜆小火鍋 $72，豬骨濃湯既湯底相當清甜，而店家仲加埋養生既紅棗，而卜卜蜆店家都相當重手，食極都仲有！卜卜蜆小火鍋 $72，個人最鐘意麻辣卜卜蜆依個鍋，辣度剛剛好 不會辣死人，但加埋蜆肉既鮮味，忍唔住飲多幾啖，最後撈埋麵落去，好似食緊四川撈麵甘！酸菜白肉小火鍋 $72，酸菜白肉小火鍋味道有點似譚仔酸辣，店家係火鍋入面仲加左粟米，增添湯既甜味！而店家仲比左幾大塊豚肉，而豬肉質素不錯~豬味濃郁同口感彈牙。而且每個套餐都會包含一杯野飲同埋一個主食，可以選擇飯、台灣手工麵、台灣新竹米粉、公仔麵、米線，當中台灣手工麵相當特別，台灣手工麵係有點似烏冬既感覺，但就相當比較黏韌同彈牙，再吸埋火鍋既湯汁相當惹味！同埋加左D配料，雞脾肉 $18、白蘿蔔 $10、鵪鶉蛋 $12同