吉野家 (葵涌廣場)

Open Now

Now Closed

放工經過葵涌廣場，比吉野家門口個廣告牌吸引左，有得換領我兒時最愛- 足球小將。呢間吉野家平時都有好多人排隊，故我都等左5分鐘。雖然吉野家推出左好多新野，但我個人都係比較喜歡傳統既牛肉飯。記得初中時，總會約埋班同學仔一齊食吉野家，果時真係覺得牛肉飯真係好好食。仲講過食過世都肯~踏入社會，越黎越少機會食。所以今次要回味下先。食牛肉飯當然要加牛肉汁，撈埋落d飯度真係一流，d飯熱辣辣啱哂係天氣凍既時間食，暖下胃d珍珠米口感唔錯~軟得黎又濕濕地，易入口，啱哂我呢d食軟飯既人。牛肉有肉既口感，有少少乾，但冇油膩既感覺，食落冇"濟"既感覺。不過就冇左新鮮感啦~總括黎講保持往日水準。