吉野家 (Closed)

吉野家牛肉好食之前去咗銅鑼灣做facial，做完肚仔餓，想食牛肉，但一個人打邊勞又太誇張，就去左吉野家食牛肉飯。我叫咗特盛牛肉飯，加玉子溫泉蛋，飲日本綠茶。特盛牛肉餐雖然貴d，但大碗d，牛肉多d！岩晒我牛魔王～另外我再叫左牛肉汁，識食緊係咁食～牛肉質素一如概往，多肥肉，肥牛口感食落口最正，再點牛汁，更添牛味。我都鐘意牛肉汁倒晒落飯到，咁樣啲飯都充滿牛味，油香，冇咁口寡寡。加上吉野家用嘅米飯係珍珠米，所以有咬口。玉子溫泉蛋都好正，撈埋牛肉同埋玉子蛋漿，好味道。大大碗，飽晒。