吉野家

Open Now

Now Closed

通常嚟吉野家都係食牛肉飯，或者牛肉火鍋，但因為近期食牛多，見到汁燒豚肉丼，就試下啦，再加隻溫泉玉子和麻醬菠菜，仲有跟餐的麵豉湯，變成豐盛的早餐。汁燒豚肉丼的燒汁同豚肉好似唔係好夾，個汁本身冇問題，可能係豚肉索唔到D汁。另外，豚肉冇牛肉咁容易咬得開，肉質比較韌，但都食到嘅，好彩又叫溫泉玉子，豚肉加埋流心玉子一齊食，肉身會較香滑。至於麻醬菠菜，睇個樣都似模似樣，食落口味道都唔差，但咀嚼咗一段時間，完全咬唔開，無奈要吐返出嚟。諗住可能係剛才個紮菜先係咁，食第二紮都係一樣，成碟都食唔到，雖然係$3，但覺得好浪費錢同食材。麵豉湯就一直都係正正常常，唔會太鹹，中規中矩。總括嚟講，吉野家都係食牛穩陣，有名你叫吉野家牛肉飯呀。