Flamingo Bloom (Closed)

其實之前一早中環已經飲過， 今日路經尖沙咀， 咁啱又係下午茶時間， 又想搵個地方坐下，hea一陣， 一於來試一試， 到底中環同尖沙咀有冇大分別。我就叫咗抹茶珍珠奶綠同烘芝士粟米厚多士。其實最估唔到嘅係有嘢食叫， 雖然只係小食， 但係飲下食下，開心過只係飲野， 佢仲有其他嘢食嘅， 好似雪糕雞蛋仔咁， 不過一個人食兩個雪糕球太肥啦。烘芝士粟米厚多士， 厚多士夠曬厚身， 外皮烘到香香脆脆， 入面可以拉絲嘅芝士， 配合埋粟米， 口感更佳。抹茶珍珠奶綠， 天氣咁凍， 飲熱飲就最啱心水， 甜度可以接受。又不失抹茶既香，不過下次再飲會試下走甜，可能會更有驚喜。紅鶴下次見啦。