天后站清湯腩

Open Now

Now Closed

Item: 天后站清湯腩
Rating: 3
Author: happyduckling

162 Reviews

Taste

Decor

Service

Hygiene

Value

1643

Tseung Kwan O

$51-100

Hong Kong Style Noodles/Rice Noodles Tea Restaurant Food Wise Eateries

128

Info:
Restaurant:	天后站清湯腩

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign

happyduckling

Level4

136

今晚再次去到這間新商場。買票睇戲，之後食飯。大部份餐廳都好多人排隊，揀了這間唔使等位的「天后站清湯腩」。裝修普通，同街坊地舖小店、或者屋邨商場的粥粉麵小店沒有分別，似乎唔太配合私人屋苑商場餐廳的裝修要求；唔係指強制性要求，而係配合商場級數的裝修標準。不過，地方總算乾淨企理。牆上大幅壁報寫上《香港傳承百年天后》，闡述清湯腩四大靈魂：牛腩、牛骨湯、蘿蔔及刀工；最後用《匠心十年獨具一腩》作結語。文章內容完全同意，只係唔明標題及結語出處。究竟清湯腩同天后有什麼關係？餐廳歷史只有短短二年左右，何來《匠心十年》？除非另有背景，老闆及廚房班底來自其他清湯牛腩名店。未入去之前，已經覺得個名好熟，唔記得幾時、喺邊度幫襯過。打開餐牌一望，記憶即刻返嚟。冇錯，就係將軍澳寶盈花園的同名小店，呢一間係分店。唔知點解，四人餐枱上黏了兩個膠架，唯一可以想像的用途就是夾附單據。清湯牛腩河粉（$49）如果指明要崩沙腩、坑腩或者爽腩，就要加 $6，再轉伊麵就要加多$2。結果，清湯爽腩伊麵就要 $57了。見到牛骨清湯的顔色，很清、很淡色，表面浮了薄薄一層肥油。飮一啖，入口有少少肥膩，牛味很清淡，同總店的牛骨湯質素差

Read full review

今晚再次去到這間新商場。買票睇戲，之後食飯。大部份餐廳都好多人排隊，揀了這間唔使等位的「天后站清湯腩」。

裝修普通，同街坊地舖小店、或者屋邨商場的粥粉麵小店沒有分別，似乎唔太配合私人屋苑商場餐廳的裝修要求；唔係指強制性要求，而係配合商場級數的裝修標準。不過，地方總算乾淨企理。

8 views

0 likes

0 comments

牆上大幅壁報寫上《香港傳承百年天后》，闡述清湯腩四大靈魂：牛腩、牛骨湯、蘿蔔及刀工；最後用《匠心十年獨具一腩》作結語。文章內容完全同意，只係唔明標題及結語出處。究竟清湯腩同天后有什麼關係？餐廳歷史只有短短二年左右，何來《匠心十年》？除非另有背景，老闆及廚房班底來自其他清湯牛腩名店。

21 views

0 likes

0 comments

未入去之前，已經覺得個名好熟，唔記得幾時、喺邊度幫襯過。打開餐牌一望，記憶即刻返嚟。冇錯，就係將軍澳寶盈花園的同名小店，呢一間係分店。唔知點解，四人餐枱上黏了兩個膠架，唯一可以想像的用途就是夾附單據。

30 views

0 likes

0 comments

清湯牛腩河粉（$49）如果指明要崩沙腩、坑腩或者爽腩，就要加 $6，再轉伊麵就要加多$2。結果，清湯爽腩伊麵就要 $57了。見到牛骨清湯的顔色，很清、很淡色，表面浮了薄薄一層肥油。飮一啖，入口有少少肥膩，牛味很清淡，同總店的牛骨湯質素差不多。牛個湯味道非常一般，還是較喜歡味道濃郁的牛骨香料清湯。

今次的爽腩好過上一次總店，是真真正正的爽腩；有完整的一層軟筋膜及一層薄薄的軟牛腩肉，入口柔軟彈牙、肥膏軟糯。如果味道可以再濃一點、鹹一點，就會更加好食。

5 views

0 likes

0 comments

另一碗要了清湯牛腩河粉(坑腩)（$55），試試其他牛腩部位的質素。坑腩肉味濃郁，牛味最重。不過，肉纖維也最粗；所以，肉質偏乾偏硬、很嚡口，也欠缺肉汁，需要多加咀嚼，及不上爽腩。唔鍾意食瘦腩，下一次會揀崩沙腩或者索性只要普通牛腩。其實都有啲唔明，此店的普通牛腩同坑腩或崩沙腩比較，真係有明顯分別？要收貴 $6？

落單時加了兩粒雲吞（$10），伙計唔記得，要加單另上，但結果冇計錢。雲吞有大地魚蓉鹹香，抵讚；但主要餡料蝦肉就未夠鮮甜爽口。整體質素來講，雲吞好食過很多街坊小店，但同雲吞麵名店比較，仍然有進步空間。

腩汁蘿蔔（$19）夠腍、亦夠清甜。今次的質素好過上一次總店出品，保留了蘿蔔應有的爽滑質感，未至於過腍；不過蘿蔔表皮同樣刨得唔夠徹底，留有少少筋，咬落有渣。小店只係清湯牛腩店，並非廣東柱侯牛腩或者潮式滷水牛腩，沒有真正腩汁，只是牛骨牛腩清湯炆蘿蔔；但由於牛骨清湯味道偏淡口，所以蘿蔔沒有預期中的牛味。

炸雞中翼(4件)（$37）香脆可口，只是略為偏乾身，應該係油溫太高及炸過了火喉。

上次在總店試過牛肚及牛筋，知道只用牛骨清湯炆煮、沒有濃郁醬汁，所以唔入味，今次沒有再揀。牛爽腩就很好味，但同上一次的假爽腩比較（明明唔算係真正爽腩，但就充作爽腩），就睇得出小店水準唔穩定。至於清湯牛腩的靈魂牛骨清湯，味道太清淡，並非 my cup of tea。此店最大賣點仍然是抵食，雖然來到大型商場開分店，因為種種原因，定價較總店貴了10%左右。整體感覺較上次總店的用餐經驗有進步，如果牛腩水準可以控制得更加平均，即使清湯味道麻麻，也是不錯的選擇。