風月堂 (Closed)

同一班同事成日周圍搵食, 大家都知, 番工已經好苦悶, 要食好嘢去平衡番, 工作先有動力. 今日同同事去食風月堂, 嘩! 一次比一次貴, 加價仲密過麥當勞, 所有嘢好似海鮮價咁, 鍾意加價就加價, 一個lunch要過百, OK, 無問題, 性價比相等就可以, 我地叫左牛脷飯同大蝦帶子意大利飯, 牛脷飯買相係零, 個汁用左好多茄膏, 點解唔可以一塊塊排好, 個汁伴側邊, 好難咩? 冇心去做; 大蝦帶子意大利飯, 大蝦有D梅, 雪藏料, 帶子裙邊帶黑, 我唔夠膽食呀, D伴菜亂咁放, 你真的諗住收呢個價錢, 殺得一個客得一個呀? 最後甜品仲要加價先有, 大佬呀, 過百蚊一個lunch, 咩都無, 質無量又無, 點回頭呀! 同事已經決定black list, 無下次