新竹園軒

Open Now

Now Closed

新同事Welcome Lunch🎊我地揀咗係公司附近呢間粵菜飲茶🍵平時都有幫襯開，因為貪佢抵食得嚟啲嘢又好食！lunch hour就全場爆滿，要訂位，餐廳裝潢好靚，最緊要係乾淨！叫咗幾款招牌點心：先上嘅涼拌黑木耳，細細粒嘅黑木耳相當爽口，每件大小適中，易入口，好啱做前菜嚟開胃🫡呢度蝦餃好大粒，蝦肉厚實彈牙，勝在皮薄，必食招牌點心❕青瓜蒜蓉醋調配適宜，唔會太酸亦太重蒜味。青瓜切得細粒狀，一啖一粒啱啱好，而且好fresh。食咁fresh 嘅野就係為左邪惡鋪路....椒鹽鮮魷不得了，魷魚鬚好新鮮，一咬就分開唔會好似香口膠咁。而且個外皮完全唔會好油，個炸漿好適中唔會太厚，唔會太淋，炸得又夠脆，椒鹽份量都好夠🫶🏻豉汁蒸鳳爪比起其他地方嘅份量比較多，令我哋好impressed，蒸煮得變得好軟糯，易脫骨。豉汁都好正咁滲透肉質入面，帶有微微嘅甜味同咸香。