嫲嫲辣辣

Open Now

Now Closed

今日同幾個朋友想食辣野，經過厚福街呢街嫲嫲辣辣，見到門口有四川麻辣香鍋，就入去試下，下午茶時段都見到入面有一半客人，坐低睇下菜牌，有午市套餐，主要食麻辣香鍋，見到客人主要都係食呢個，所以我地一行四人，叫左幾個鍋，包括麻辣，香辣及孜然，揀選左唔同嘅配料，再加左一份涼菜-麻辣牛肚，等左一陣好快有野食，麻辣牛肚，其實無味，因為啲牛肚好似整熟左就淋個辣醬上去咁，至於其他三個鍋，都係普通，唔太好食，入口唔夠辣唔夠香，同真正大陸食嘅香鍋真係差好遠，完全食唔到果種風味，店舖環環好迫，又好似污污地糟咁，試過呢次一次唔會再黎，四個人埋單$580，老實講，價錢唔係貴，但以$580食呢啲唔太好食嘅下欄配菜，性價比相當低