Bonjour烘焙坊 (Closed)

蔥花麵包 ($13)記得係台灣食過一次呢個蔥花麵包，今次係香港見到真係要第一時間夾起佢，麵包同台灣一樣大大隻，表面灑滿香蔥碎，麵包用上奶油和麵粉搓成，斬身好柔軟，香蔥帶有油份好好食，即時諗起台灣味道。抹茶紅豆吐司 ($22)半條吐司有厚切４大片，賣相很好，吐司用純鮮奶做成，口感窄實，但食唔出有抹茶味，紅豆粒都幾多，粒粒分明仲有沙沙的口感，都幾甜，整體係唔錯嘅。羅勒海鹽法國麵包 (Sea Salt) ($12)麵包細細，表面抹上橄欖油及海鹽烘烤，皮脆内帶嚼勁，一撕開麵包手會沾滿橄欖油，以為食落會好油，又唔係喎，裡面有少少羅勒葉，好食。杏桃合桃包 ($20)麵包幾煙韌有點果香，裡面有Cream Cheese、杏桃酸甜，原味合桃，呢個都好食。洋蔥海鹽法國麵包 ($12) 同羅勒海鹽法國麵包一樣，皮脆内帶嚼勁，有洋蔥香，但就係食不出洋蔥味，有少少失望。