爆汗串串 (Closed)

今日同朋友行過見到爆汗串串，平時唔太食得辣，今日想試下，打算試最小既辣應該無乜嘢，點知食完就後悔，即使好細既都係食到出汗，會有麻既感覺。但同一個湯食幾次，食到後果開始有啲麻木左，所以叫左啲小食，出其不意，小食仲正過個串串😂個滷水雞翼尖食唔停，叫左幾次黎食，雖然唔辣，但係好入味！而且可以解下辣。之後順便叫埋青瓜，不過不失，但開胃一流，夠酸夠爽口。最後，叫埋個個都話好好食既甜品，辣到出哂汗，轉頭食番個凍既甜品，解辣又解熱，係一個好好配搭，不過係有啲太甜姐。幾適合一班人打打鬧鬧/吹下水既食嘢地方。